Նախկին ամուսնու դաժան վերաբերմունքի պատճառով Երեւանում կինը փորձել է ինքնասպան լինել

Կնոջը ինքնասպանության փորձի հասցնելու համար մեղադրանք է առաջադրվել նախկին ամուսնուն։ «Փաստինֆո»-ի փոխանցմամբ՝ Քննչական կոմիտեի Ավան եւ Նոր Նորք վարչական շրջանների քննչական բաժնում կատարված քննությամբ պարզվել է, որ կինը պարբերաբար ենթարկվել է բռնության եւ դաժան վերաբերմունքի ամուսնու կողմից, ինչը շարունակվել է նաեւ ամուսնալուծությունից հետո։ Ըստ մեղադրանքի՝ տղամարդը դիտավորությամբ ֆիզիկական ուժեղ ցավ և հոգեկան տառապանք է պատճառել նախկին կնոջը, ծեծել, որի հետեւանքով առողջությանը պատճառվել է վնաս, սպառնացել։ Այս դաժան վերաբերմունքն էլ հանգեցրել է, որ կինը փորձել է ինքնասպան լինել։ Նախկին ամուսնուն մեղադրանք է առաջադրվել ՀՀ քրեական օրենսգրքի 3 հոդվածով՝ 119-րդ հոդվածի 1-ին մասով, 117-րդ հոդվածով եւ 110-րդ հոդվածի 1-ին մասով։