Տղերքը ուղիղ մեկ օր առաջ ուսումնական թռիչք են կատարել. Արծրուն Հովհաննիսյանը զոհված օդաչուներից տեսանյութ է հրապարակել
Պաշտպանության նախարարի մամուլի խոսնակ Արծրուն Հովհաննիսյանը Facebook-ի իր էջում տեղադրել է տեսանյութ վթարված ԶՈՒ ՍՈՒ 25 ինքնաթիռի զոհված օդաչուների կատարած ուսումնական թռիչքի ու կրակային վարժությունների դրվագներով: «Տղերքը ուղիղ մեկ օր առաջ ուսումնական թռիչք ու կրակային վարժություն են կատարել։ Կատարել են շատ բարձր մակարդակով ու գերազանց գնահատականով։ Սրանք մեկ օր առաջվա իրական կադրերն են։ Փառք Հայոց բանակին, փառք ՀՀ ՌՕՈւ-երին»,-գրել է Արծրուն Հովհաննիսյանը։ Հիշեցնենք, որ երեկ՝ դեկտեմբերի 4-ին՝ ժամը 10.20-ի սահմաններում, կորել էր կապը ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ: Այնուհետեւ պարզվեց, որ ինքնաթիռը վթարվել էր Մարալիկի լեռներում, երկու օդաչուները՝ փոխգնդապետ Արմեն Սլավիկի Բաբայանը եւ մայոր Մովսես Գեւորգի Մանուկյանը, զոհվել էին:
Հետևեք մեզ Viber-ում
