Կաննի փառատոնի բացմանը կցուցադրվի Վուդի Ալենի նոր ֆիլմը

Կաննի 69-րդ կինոփառատոնի բացման ֆիլմը Վուդի Ալենի «Սրճարանային հասարակություն» ֆիլմն է: Այս մասին գրում է Lenta.ru-ն: Ֆիլմի ցուցադրությունը տեղի է ունենալու մայիսի 11-ին: Սա կլինի Ալենի 3-րդ ֆիլմը, որը բացում է Կաննի փառատոնը: Նա միակ ռեժիսորն է, որն արժանացել է նման պատվի: Ալենի ֆիլմերն արդեն երկու անգամ բացել են Կաննի փառատոնը. 2002 թվականին ցուցադրվել Է «Հոլիվուդյան եզրափակիչը» և 2011 թվականին՝ «Կեսգիշերը՝ Փարիզում» ֆիլմերը: Նոր կինոնկարը մասնակցում է Կաննի արտամրցութային ծրագրին: Ալենի նոր ֆիլմը ներկայացնում է մի երիտասարդի պատմություն, որը 1930-ականներին Հոլիվուդ է ուղևորվում կինոարտադրությանը հաղորդակից դառնալու հույսով: Ֆիլմում նկարահանվել են Քրիստեն Սթյուարտը, Ջեսի Այզենբերգը և այլք։