Երևանում ավարտին է մոտենում «Սու-30» ինքնաթիռների գնման պայմանագրի պատրաստումը

Հայաստանի համապատասխան կառույցները առաջիկայում կավարկեն Ռուսաստանից «Սու-30ՍՄ» կործանիչ ինքնաթիռների գնման պայմանագրի պատրաստումը։ Այս մասին, ըստ ռուսական Тасс գործակալության, հայտնել է Հայաստանի պաշտպանության նախարար Դավիթ Տոնոյանը` նշելով, որ ավարտվում են 100 մլն դոլար ծավալով ռազմական վարկի մասին պայմանագրի կնքման աշխատանքները, ինչից լրագրողը բխեցրել է, որ վարկը վերցվում է հենց «Սու-30» կործանիչները գնելու համար։ Խոսքը, ըստ ռուսական աղբյուրի, 2017 թվականին կնքված վարկային համաձայնագրի մասին է, որով Ռուսաստանը համաձայնել էր Հայաստանին տալ 100 միլիոն դոլար վարկային միջոցներ, որոնց ևս առնվազն 10 միլիոն դոլար ավելացնելով՝ Հայաստանը կկարողանար սպառազինություն գնել Ռուսաստանից։