«Մեզ՝ ասովի, բերովի, ցուցակովի ձայներ պետք չեն». Ն. Փաշինյան
«Իմ քայլը» դաշինքի նախընտրական ցուցակը գլխավորող Նիկոլ Փաշինյանը Քաջարանում հայտնեց. «Մեզ՝ ասովի, բերովի, ցուցակովի ձայներ պետք չեն, մեզ հարկավոր է միայն ու միայն ՀՀ ազատ քաղաքացու ձայնը և որևէ մեկը, ով ուզում ա լինի, չի կարող ասել՝ ում ընտրել, քաղաքացին կկայացնի իր որոշումը»: Նրա խոսքով՝ այս հեղափոխությունը ՀՀ քաղաքացուն դարձրել է ինքնիշխան ու որևէ մեկը, ով կպարտադրի քաղաքացուն, պետք է սպասի, որ գան իր հետևից: Նա անդրադարձավ նաև կրթությանը և նշեց. «Շատ կարևոր է, որ մենք մեր երեխաների համար պատշաճ կրթություն ապահովենք: Մեր նախընտրական ծրագրի դրույթներից մեկը այն է, որ պետք է երեխաներին 4 տարեկանից սկսած ընդգրկենք կրթական համակարգ՝ նախակրթարան, մանկապարտեզներով և այսպես շարունակ: Մեղրիի մանկապարտեզի կապիտալ վերանորոգման ծրագիրը ընթանում է բանականոն հունով, ֆինանսավորում կա: Մեղրիում, 3 տարեկանից սկսած, երեխաները հնարավորություն կունենան հաճախել մանկապարտեզ, և մայրերը աշխատելու հնարավորություն կունենան: Ես ուզում եմ, որ բոլորս մեր վերաբերմունքը փոխենք: Ցավոք, սովորաբար կրթական համակարգի նկատամամբ մեր վերաբերմունքը ֆորմալ է, մենք հաճախ նայում ենք երեխայի օրագրին և փորձում հասկանալ, թե ինչ գնահատականններ կան այնտեղ: Մենք հաճախ հարց չենք տալիս, թե մեր երեխայի գնահատականը որքանով է համապասխանում նրա գիտելիքներին»:
Հետևեք մեզ Viber-ում
