Ադրբեջանը մեծացնում է լարվածությունը. Զատուլին
Լեռնային Ղարաբաղի հարցի վերաբերյալ վերջնական պայմանավորվածությունը կապված է ԼՂ անկախության ճանաչման և հանրապետության պարագծով այն բոլոր տարածքների կամ դրանց մի մասի վերադարձի հետ, որոնք նախկինում ԼՂԻՄ-ի կազմում չեն եղել, սա ցանկացած մոդելի մակերևույթին է: Այս մասին Երևանում անցկացվող «Լազարյան» ակումբի նիստում ասաց Պետդումայի ԱՊՀ եւ հայրենակիցների հետ կապերի հարցերով կոմիտեի նախագահի առաջին տեղակալ Կոնստանտին Զատուլինը:Նա նշեց, որ Ադրբեջանը մեծացնում է լարվածությունը մարդկանց «սև ցուցակներում» ընդգրկելով ու այլ պետությունների տարածքներում ձերբակալելով, ինչպես դա եղավ բլոգեր Լապշինի պարագայում: «Ես վստահ եմ, որ Ադրբեջանի համար էլ Ղարաբաղի հարցի շուրջ լարվածության մեծացումը նպաստավոր չէ: Ինչպես Մոլդովայի, Վրաստանի, այնպես էլ Ադրբեջանի պարագայում, տարածքների վերադարձման քաղաքականությունը չի նպաստում երկրի զարգացմանը: Մենք պետք է և կարող ենք կենտրոնանալ, որ ռազմական գործողություններ տեղի չունենան»,- հավելեց նա: Ըստ նրա՝ այս իրավիճակում դժվար է, որպես բարի կամքի դրսևորում կամ փաթեթային սկզբունք, խոսել տարածքների վերադարձի մասին: «Առավել ևս, գիտենք, որ սա ԼՂ-ի համար շատ լուրջ ռիսկ է նշանակում: Այս ռիսկին նա կարող է գնալ միայն այն դեպքում, եթե Ադրբեջանը համաձայնի ճանաչմանը կամ անվտանգության երաշխիքներին»,- նշեց նա:
Հետևեք մեզ Viber-ում
