«Ա՛յ ցավդ միայն ասելով չի, պետք է ապացուցել». Գ. Ծառուկյան
«Բարգավաճ Հայաստան» կուսակցությունն այսօր նախընտրական հանդիպումներ է անցկացնում Արագածոտնի մարզում։ Գագիկ Ծառուկյանն Աշտարակում անդրադարձավ առկա տնտեսական խնդիրներին: «Էսօր մենք շատ նախանձ ազգ ենք, ասեմ: Ամեն մեկն անուն դնի մեկին, այ ցավդ տանեմ, դու կարա՞ս անես: Խնդրեմ, հավաքվենք, առաջարկի՝ ի՞նչ սկզբունքով, մոտեցումով, ո՞նց ես անելու: Ասա, սաղս էլ կանգնենք քո կողը, միասնական լուծենք: Միայն ասելով չի, պետք է ապացուցել: Մեղքի տակ մտնել չի կարելի, մարդիկ գիշերը մրսում են, չեն քնում: Գազը կա, չեն միացնում, լույսն են կիսատ միացնում, խանութներին պարտք են»,- ասել է ԲՀԿ առաջնորդ Գ. Ծառուկյանը և հավելել.«Ասելով չի՝ տնտեսական աճ ունենք, տնտեսական աճը ժողովրդի առօրյան է, ապրելակերպը, հագուկապը. սառնարանը, որ բացես, դրանից ա երևում. պարտքացուցակն է, վարկերն են, դրանք պետք է կարգավորենք, որն անհնար չէ»:
Հետևեք մեզ Viber-ում
