Փաշինյանը խոսում է ՌԴ-ի հետ բարձր մակարդակի կապերի մասին, հետո ՀԿԵ-ի եւ «Գազպրոմի» գործունեության հետաքննություն է սկսվում
Ռուսաստանի և Հայաստանի միջև հարաբերություններում առաջնային է վստահության հարցը: Այս մասին Երևանում «Լազարյան» ակումբի նիստում ասաց Պետդումայի ԱՊՀ եւ հայրենակիցների հետ կապերի հարցերով կոմիտեի նախագահի առաջին տեղակալ Կոնստանտին Զատուլինը: «Եթե ինչ-ինչ պատճառներով վստահությունը խախտվել է, ապա Ռուսաստանում այլ իրավիճակ է ստեղծվում, որտեղ կան Ադրբեջանի հետ հարաբերությունները խորացնելու կողմնակիցներ, ընդ որում՝ ոչ միայն ռազմատեխնիկական ոլորտում: Եվ Ադրբեջանը ինքը շահագրգռված է ՌԴ-ի հետ հարաբերությունների զարգացմամբ... Չնայած վարչապետի պաշտոնակատարի հայտարարություններին այն մասին, որ Հայաստանի եւ ՌԴ միջեւ հարաբերությունները երբեւէ այսքան արդյունավետ չեն եղել, գործնականում այլ իրավիճակ է: Այս հայտարարություններից հետո սկսվում է ՀԿԵ-ի և «Գազպրոմի» գործունեության հետաքննություն, հետո հաջորդում են ներդրումների մասին հայտարարություններ, թե սպասում ենք ներդրումների», - նշեց Զատուլինը:
Հետևեք մեզ Viber-ում
