ԱՄՆ գլխավորած միջազգային կոալիցիան խաղաղ բնակչության շրջանում զոհերի կգնա

ԱՄՆ գլխավորած միջազգային կոալիցիան գիտակցաբար որոշել է խաղաղ բնակչության շրջանում զոհերի գնալ: Այս մասին հաղորդում է CNN-ը` վկայակոչելով ամերիկյան ռազմական շրջաններում գտնվող աղբյուրին: Հարձակման կենտրոն է դարձել Իրաքի Մոսուլ քաղաքում գտնվող ԴԱԻՇ-ի ֆինանսական կենտրոնը: Ավիահարվածի հետևանքով միլիոնավոր կանխիկ դոլարներ են ոչնչացվել: Ավիացիայի թիրախի մերձակայքում գտնվել են զգալի թվով քաղաքացիական օբյեկտներ, սակայն զինվորականներն այնուամենայնիվ որոշել են հարվածներ հասցնել` հաշվարկելով, որ քաղաքացների շրջանում 50-ից ավելի զոհ չի լինի: Խաղաղ բնակիչների շրջանում կորուստները նախնական տվյալներով 5-7 մարդ է հաշվվում: