Խոշոր ավտովթար Չարենցավանում. 2 վիրավորներից մեկը 12-ամյա տղա է

Այսօր՝ նոյեմբերի 30-ին, խոշոր ավտովթար է տեղի ունեցել Կոտայքի մարզում: Ժամը 04:30-ի սահմաններում Կոտայքի մարզի Առինջ գյուղի բնակիչ, 41-ամյա Ռոբերտ Ղազարյանը իր վարած Land Rover մակնիշի 35 ՍG 337 համարանիշի ավտոմեքենայով բախվել է Չարենցավան քաղաքի Շահումյան փողոցում գտնվող «Ֆլեշ» բենզալցակայանի երկաթյա սյանը: Ինչպես հայտնում է ֆոտոլրագրող Գագիկ Շամշյանը, վթարի հետևանքով ավտոմեքենայի ուղևորներ, Չարենցավան քաղաքի բնակիչ, 45-ամյա Սամվել Անտոնյանը մարմնական վնասվածքներով տեղափոխվել է Չարենցավանի բժշկական կենտրոն, իսկ Առինջ գյուղի բնակիչ, 12-ամյա Լյուդվիգ Ղազարյանը տեղափոխվել է Երևանի թիվ 1 համալսարանական հիվանդանոց: Դեպքի վայր են ժամանել ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի ծառայողները՝ դասակի հրամանատար Սարգիս Բագրատյանի գլխավորությամբ: Տեղում հետաքննչական աշխատանքները ղեկավարել է նույն վաշտի ավագ հետաքննիչ Հակոբ Սողոյանը, ում կողմից փաստի առթիվ նյութեր են նախապատրաստվում: Ֆոտոլրագրողի տեղեկություններով՝ վարորդը ենթարկվել է սթափության փորձաքննության, պարզվել է, որ նա գտնվում է ոչ սթափ (խմած) վիճակում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: