Վարուժան Ավետիսյանը հակադարձեց Փաշինյանին
Գեղարքունիքի մարզի Սևան քաղաքում «Սասնա ծռերի» նախընտրական ցուցակը գլխավորող Վարուժան Ավետիսյանն այսօր հայտարարեց, որ իրենք եկել են ապահովելու քաղաքական հավասարակշռություն: Նա ևս մեկ անգամ շեշտեց, որ «Սասնա ծռերի» կարծիքով՝ նոր խորհրդարանը պետք է գործի 1-1,5 տարի, իսկ իրենք երկարաժամկետ փուլի համար լուրջ ծրագիր ունեն։
«Այս համակարգի պայմաններում ձևավորվող, մասնավորապես՝ խայտառակ կրիմինալ ռեյտինգային համակարգի և նախկին հանցավոր ռեժիմին մաս կազմող կուսակցությունների մասնակցությամբ խորհրդարանը չի կարող արտահայտել մեր ժողովրդի քաղաքական կամքը։ Սակայն նոր առողջ ուժերի, այդ թվում՝ մեր ներկայությամբ, այս խորհրդարանն ունենալու է որոշակի պաշար համապատասխան ճանապարհ գնալու»,- նշեց Վարուժան Ավետիսյանը։
Հետևեք մեզ Viber-ում
