ՀԱՊԿ գլխավոր քարտուղարի հարցը շատ փոքր և նույնիսկ ոչ էական հարց է. Նիկոլ Փաշինյան
Սեւանում «Իմ քայլը» դաշինքի նախընտրական քարոզարշավի ժամանակ ՀՀ վարչապետի պաշտոնակատար Նիկոլ Փաշինյանը հայտարարեց, որ արձանագրել են վատ եւ հեղինակազուրկ իրավիճակ, որում գտնվում է Հայաստանի Հանրապետությունը: «Մենք, ի տարբերությունների նախորդ իշխանությունների, մտադիր չենք լռության մատնել մեր անվտանգության կենսական խնդիրները, մտադիր չենք համակերպվել այն իրողությունների հետ, որոնք տեղի են ունենում մեր շուրջ: Մենք շատ կարեւոր ենք համարում, որ ՀԱՊԿ–ում մենք հստակեցնենք մեր պարտավորությունները դաշնակիցների առաջ եւ դաշնակիցների պարտավորությունները մեր առաջ, մեր պարտավորությունները կազմակերպության առաջ եւ կազմակերպության պարտավորությունները մեր առաջ։ Մենք այս հարցերը բարձրացնում ենք մեր գործընկերների հարաբերությունները լավացնելու եւ զարգացնելու համար, եթե մենք այդ խնդիրներին չանդրադառնանք, իրավիճակը գնալով ճահճանալու է եւ մեզ համար ստեղծելու է ավելի ու ավելի խնդիրներ»,- նշեց Փաշինյանը` հավելելով, որ ՀԱՊԿ գլխավոր քարտուղարի հարցը շատ փոքր եւ նույնսիկ ոչ էական հարց է:
Հետևեք մեզ Viber-ում
