Հայկ Ալումյանը` Ռոբերտ Քոչարյանի կալանավորման մասին
Երկրորդ նախագահ Ռոբերտ Քոչարյանի պաշտպանները նոր վերաքննիչ բողոք են ներկայացնելու առաջին ատյանի որոշման դեմ: «Հիմք ընդունելով ԱԱԾ և ՀՔԾ պետերի հայտնի հեռախոսային խոսակցությունը, և դրա վերաբերյալ ասուլիսը, մենք որոշեցինք նոր վերաքննիչ բողոք ներկայացնել առաջին ատյանի որոշման դեմ»,- այս մասին, լրագրողների հետ ճեպազրույցի ժամանակ, հայտնել է ՀՀ երկրորդ նախագահի պաշտպան Հայկ Ալումյանը: Այնուհետև` Հայկ Ալումյանը, անդրադառնալով մամուլի հրապարակումներին, ըստ որի՝ Ռոբերտ Քոչարյանը դեկտեմբերի 1-ին կկալանավորվի, ասել է. «Մամուլի այդ հրապարակումը ես էստեղ՝ դատական նիստի ժամանակ բարձրացրեցի: Քանի որ իրավունք չունեմ դատավորին հարցեր ուղղելու, դրա համար որպես հայտարարություն ներկայացրեցի ու ասացի, որ շատ կուզեի՝ դատավորը մեկնաբաներ, բայց դատավորը որևէ մեկնաբանություն չարեց»:
Հետևեք մեզ Viber-ում
