Շորի, կոշիկի պրոբլեմ եմ ունեցել, ուսմանս վարձը չենք կարողացել վճարել. Փաշինյան

«Ես դուրս եմ եկել մի ընտանիքից, ինչպես ձեր ընտանիքներն են: Ես խնդիրներով ընդունվել եմ ԵՊՀ, իմ ընտանիքը իմ ուսման վարձը ի վիճակի չի եղել վճարել: 1991 թվականին ամբողջ երկիրը գտնվում էր ծանր սոցիալական վիճակում: Հայրս գնացել իր ընկերներից մեկին խնդրել է, որ իմ մեկ կիսամյակի վարձը վճարեն: Ես դրանից հետո սովորել եմ գերազանց, միայն հինգ եմ ստացել, որ ուսման վարձից ազատվեմ»,- ասաց Նիկոլ Փաշինյանը բերդեցիների հետ հանդիպման ժամանակ` նշելով նաև, որ իր ՀՀ վարչապետ լինելը համարում է շատ սիմվոլիկ: «Ես գերազանցիկ սովորել եմ եւ երկրորդ կիսամյակից հետո սկսել եմ թոշակ ստանալ: Երբ ես ուսանող եմ եղել՝ ունեցել եմ շորի, կոշիկի պրոբլեմ, բարդ է եղել: Ես 2-րդ կուրսից սկսել եմ իմ մասնագիտությամբ աշխատել: 6-7 ամիս աշխատավարձ չեմ ստացել, քանի որ այդ հիմնարկը ծանր վիճակում էր, բայց ես որոշել եմ, որ պետք է աշխատեմ»,- շարունակեց Նիկոլ Փաշինյանը: