Մարդիկ օրնիբուն աշխատում են, գրոշներ են ստանում
ՀՅԴ-ի կազմակերպած հանրահավաքի ժամանակ գյուղատնտեսության նախկին նախարար, Շիրակի նախկին մարզպետ, ՀՅԴ ցուցակի 3-րդ համար Արթուր Խաչատրյանը հայտարարեց, որ պետությունը չի կարող ձեռքերը ծալած նստել, քանի որ նրան երկրի զարգացման գործում կարեւոր դեր է վերապահված։ «Մենք չենք հավատում, որ անհատ ձեռքը կարող է ստեղծել բարեկեցիկ, արդար հասարակություն, հասարակություն, որտեղ յուրաքանչյուրը ստանա իր արժանիքին, ներդրմանը վայել: Պետությունը չի կարող ձեռները ծալած նստել: Մեզ համար երկրի զարգացումը նույնչափ կարևոր է, որքան սոցիալական ապահովությունը»,- նշեց Արթուր Խաչատրյանը: Այնուհետև շարունակելով խոսքը հայտարարեց. «Ժողովրդի գլխավոր բողոքը անարդարությունից է։ Հազարավոր մարդիկ աշխատում են օրուգիշեր եւ գրոշներ են ստանում։ Օլիգարխները, որոնք հիմա ձեռնարկատերեր են կոչվում, իրենց են վերցնում բարիքների մեծ մասը։ Պետությունը պասիվ համակարգողից պետք է վերածվի ակտիվ խաղացողի»:
Հետևեք մեզ Viber-ում
