ՀՀԿ–ն չի կարող մեզ մրցակից լինել առաջիկա խորհրդարանական ընտրություններում. Մարուքյան

ՀՀԿ–ն չի կարող մեզ մրցակից լինել առաջիկա խորհրդարանական ընտրություններում։ Այս մասին այսօր՝ նոյեմբերի 23-ին, լրագրողների հետ հանդիպմանը հայտարարել է «Լուսավոր Հայաստան» կուսակցության նախագահ Էդմոն Մարուքյանը։ «Կան լուրջ կասկածներ այն հարցում, թե արդյոք ՀՀԿ–ն ունակ է հաղթահարել անհրաժեշտ արգելքները։ Նրանք ցանկանում են խորհրդարան վերադառնալ իշխանություններին քննադատելով, սակայն որպեսզի հանրության համար ընդունելի լինեն, նախ պետք է ամբողջությամբ խոստովանեն սխալները, որոնք նրանք կատարել են»,–նշեց նա` հավելելով, որ ՀՀԿ–ի դեմ է նաեւ այն փաստը, որ կուսակցությունը շարունակում է ղեկավարել երկրի նախկին նախագահ Սերժ Սարգսյանը։