«Դուք իմ խոսքը խեղաթյուրում եք՝ ասելով, որ «իշխանությունները եթե թողնեն».Սամվել Բաբայան
Առաջիկա ընտրություններին ո՞ւմ է սատարելու Արցախի ՊԲ նախկին հրամանատար Սամվել Բաբայանը: «Ընդհանրապես, կա հեղափոխություն, ընթացքը գնում է, բայց քաղաքական գործընթացներում մեզ պետք չէ մտնել: Որևիցե ուժի ես չեմ սատարելու, բայց հետևում եմ այդ զարգացումներին, ընթացքում կերևա: Քաղաքական բոլոր ուժերին ես նորմալ եմ վերաբերվում»,- լրագրողներին ասաց բաբայանը: Ասել էիք՝ Արցախ կգնաք, եթե իշխանությունները թողնեն, հետաքրքրվեցին լրագորղները «Դուք իմ խոսքը խեղաթյուրում եք՝ ասելով, որ «իշխանությունները եթե թողնեն»: Ոչ մեկը չի ծնվել դեռ, որ ինձ՝ Սամվել Բաբայանին, թողնի կամ չթողնի: Ես այս երկրում մենակ երեք անգամ դատվեցի այդ ազատության համար: Այդպիսի բան չի եղել: Ես բացատրել եմ, որ ցանկացած Արցախի նոր իշխանություն պետք է համագործակցի Երևանի հետ, սակայն մինչ օրս նա դեռ կարծիք չի հայտնել. երբ կասի, կարտահայտվի՝ նոր կխոսենք»,-ասաց նա: «Ժիրայր Սեֆիլյանի գործերն ինձ հետ որևիցե կապ չունեն: Ես իմ տեսակետն այդ հարցում արտահայտեցի շատ հստակ, որ չի կարելի Ղարաբաղում ունենալ իշխանություն, որը Հայաստանի հետ չի աշխատելու, չի համագործակցելու: Այսինքն՝ Հայաստանի կարծիքը պետք է նկատի ունենալ, միշտ: Ի՞նչ նկատի ուներ Ժիրայր Սեֆիլյանը, ես տեղյակ չեմ: Չեմ կարող ասել՝ ինչի մասին է նա խոսում, որովհետև մենք չենք շփվում: Ես Արցախը Հայաստանին միացնելու հարցն այս փուլում համարում եմ սխալ, նաև՝ Ռուսաստանի հետ հարաբերությունների վերաբերյալ Ժիրայր Սեֆիլյանի թիմի կարծիքը նույնպես համարում եմ սխալ: Պա՞րզ է: Դրա համար մենք իրար հետ չենք շփվում, իմ կարծիքը ես իրեն ասել եմ, տեղյակ ա»,Ժիրայր Սեֆիլյանն ու «Սասնա ծռեր» կուսակցությունը գործունեություն են սկսել Արցախում, ինչպե՞ս եք վերաբերվում հարցին նման պատասխան տվեց:
Հետևեք մեզ Viber-ում
