Ձեզ թվում ա՝ ես նստած գրում եմ՝ էս սրան, էն նրա՞ն.Նիկոլ Փաշինյան

ՀՀԿ-ն մեղադրում է Ձեզ պաշտոնական լիազորությունները, վարչական ռեսուրսը չարաշահելու ու քարոզարշավ իրականացնելու համար՝ առաջ բերելով միջազգային չափորոշիչները.նման հարց լրագրողները ուղղեցին վարչապետի պաշտոնակատար Նիկոլ Փաշինյանին,ինչին ի պատասխան նա ասաց.    «Ես միշտ շփվել եմ, շփվում եմ ու շարունակելու եմ շփվել ժողովրդի հետ, իսկ վաղվա երթն ունի քայլելու բնույթ. կարող ենք ընտրական հարցեր շոշափել, կարող ենք՝ ոչ: Հերիք ա Հայաստանում խոսել առանց հիմնավորումների: Ինձ ուզում եք արգելե՞լ: Ես ՀՀ բոլոր քաղաքացիներին կոչ եմ անում քվեարկել «Իմ քայլը» դաշինքի օգտին. չարաշահեցի՞ վարչական ռեսուրսը: Հարցազրույց են տալիս, ասում են՝ միջազգային չափանիշներով, իսկ ո՞ւր ա դա, հրապարակե՛ք»: Ի՞նչ ակնկալիքներ ունեք առաջիկա ընտրություններից, քանի՞ տոկոսի եք ձգտում հարցին , Փաշինյանը պատասխանեց . «Դա որոշում է ժողովուրդը: Տրամաբանությունն ասում է, որ ընտրությունների արդյունքները լինելու են այնպիսին, որ ՀՀԿ-ն ասելու է՝ վարչական ռեսուրսը չարաշահել են... Ձեզ թվում ա՝ ես նստած գրում եմ՝ էս սրան, էն նրա՞ն: Ժողովուրդն է որոշում՝ ով է լինի իշխանություն, ով՝ ընդդիմություն, ով դուրս մղվի դաշտից»: Հարցին՝ ՀՀԿ-ի կարգախոսին ինչպե՞ս եք վերաբերվում, ասաց. «Հույս ունեի էդ հարցը չեք տա: Լավ էլի, բան չասեմ»: