Անհաջող ներկայացումներ՝ վատ դերասաններով

Փաշինյանի կառավարության հակակոռուպցիոն պայքարը ոչ ավելին է, քան քաղաքական դրդապատճառներով ներկայացում, որը վատ դերասանների՝ասել է թե՝ իրավական պատասխանատուների պատճառով զավեշտի է վերածվում: Եւ սին են Նիկոլ Փաշինյանի հավաստիացումները, թե ինքը դատավորների, քրեական գործերի վրա զրո ազդեցություն ունի: Իր ասուլիսում Փաշինյանը այնքան մանրամասնորեն էր նկարագրում ցանկացած քրգործ, որպիսին կարող էր անել միայ այդ գործում ակտիվ դերակատարը: Մի քան աղմկահարույց պատմություններին վարչապետի ժամանակավոր պաշտոնակատարի անդրադարձից կարող ենք եզրահանգել, որ թավշյա հեղափոխությունից հետո Հայաստանում թմբկահարված եւ ոչ մի աղմկոտ գործ իր տրամաբանական ավարտին չի հասել, ավելին այդ գործերի ապագան խիստ մշուշոտ է, իրավական հռչակված պետության մեջ փոխարենը ձեւավորվել է անմեղության կանխավարկածի վրա թքած ունենալու նոր ինստիտուտ եւ հիմա մեր սիրելի ու դուխով վարչապետն է որոշում՝ ով է մեղավոր, ով անմեղ: Օրինակ շաբաթներ առաջ խորհրդարանում Փաշինյանը հայտարարել էր, թե շուտով կոռուպցիայի մեջ կասկածանքով պատգամավոր է կալանավորվելու, նա գրեթե դարի հանցագործին էր խոստացել կալանավորել, բայց չասաց, թե ով է այդ պատգամավորը,ինչ գործի մասին է խոսքը: Եւ ահա, շաբաթներ հետո նույն թեմայով վարչապետի հայտնած միակ նորությունը հետեւյալն է . «Ազգային ժողովի այն պատգամավորի վերաբերյալ, որի մասին հայտարարել էի, որ առաջիկայում կալանավորվելու է, պաշտոնական փաստաթղթի պատասխանի կեսն է եկել։ Պատասխանը եկավ, բայց մի կեսը եկավ, մյուսը չի հասել դեռ, ցավոք, այս պրոցեսները միշտ չէ, որ մեզնից է կախված։ Սպասում ենք»: Ստացվում է, որ չնայած ապացույցների բացակայությանը, այդուհանդերձ գործն արդեն հարուցվել է, իրավաբանության առաջին կուրսի ուսանողը նույնիսկ գիտի, որ հիմնավոր ապացույցների դեպքում է միայն մեղադրանք առաջադրվում: Չի ավարտվել նաեւ Սերժ Սարգսյանի եղբոր՝ Ալեքսանդր Սարգսյանի դեմ հարուցված քրեական գործով նախաքննությունը, այս մասին էլ է հայտնել Փաշինյանը .«Որքան գիտեմ՝ այդ գործով նախաքննությունը շարունակվում է: Ես համոզված եմ, որ այդպիսի բազմաթիվ գումարներ կվերադարձվեն պետական բյուջե»,- ասել է նա՝ պատասխանելով հարցին, թե որ փուլում է Ալեքսանդր Սարգսյանի հաշիվներից մեկում եղած 30 մլն դոլարը բյուջե գանձելու գործը: Նրա խոսքով՝ հաճախ երբ ինքը հարց է բարձրացնում, թե ինչու այս կամ այն գործը մեծ արագությամբ առաջ չի գնում, դրան շատ պարզ պատասխան է հնչում: «Ասում են՝ «դե որ Պողոսը, Պետրոսը ակտիվացել են, վկաները գալիս խուսափողական ցուցմունքներ են տալիս: Հիմա ավելի լավ է ոչ մի գործողություն չանենք, որովհետեւ այս ընթացքում ինչ էլ անենք, տեղապտույտի մեջ ենք հայտնվելու»: Մենք պետք է հասկանանք, որ քաղաքական իրավիճակը, նույնիսկ, երբեմն, միջազգային իրավիճակն ազդում է այդ գործի քննության վրա, այն իմաստով, որ քննիչները ստիպված են իրենց մարտավարությունն ամբողջությամբ փոխել այս կամ այն քաղաքական իրավիճակի բերումով»,- ասաց նա: Նիկոլ Փաշինյանը նկատեց, որ երբ երկրում արտահերթ ընտրությունների լինել-չլինելու հարց կար, հոկտեմբերի 2-ի զարգացումները կային, բոլորը՝ դատախազ, քննիչ, մեղադրյալ ու վկա, ասում էին՝ լավ, տեսնենք, թե ինչ է լինելու սրա վերջը: «Նաև այս տրամաբանությունից ելնելով ճիշտ էր հնարավորինս շուտ արտահերթ ընտրություններ անցկացնելը»:Ստացվում է, որ Հայաստանում հանցագործությունները պատվերով համերգ են հիշեցնում, ով վճարում է, նա էլ պաատվիրում է երաժշտությունը: Իսկ կարող է շբաթներ հետո էլ գործրը սառեցվեն, քանի որ տոներն են մոտենում ու հեչ հավես չկա հանցագործություն բացահայտելու, դրանից հետո էլ կարող է ձյուն գալ, մարտի ութ նշել ու այսպես շարունակ: Իրականում , ինչպես նշեցինք, այս հակակոռուպցիոն պայքարը քաղաքական շոու է հիշեցնում՝ անբովանդակ ու հիմնազուրկ: Հ.Գ.-Բա չիմացաք, Մարտի 1-ի գործն էլ է բացահայտել ու Փաշինյանը նեղսրտում է, որ նույնիսկ դա փոթորկ չառաջացրեց: Անի Սահակյան