Վարչապետն էլ հասկացավ, որ երկիր ղեկավարելն իր մոտ չի ստացվում, որոշեց զբաղվել հարազատ գործով` քայլերթով. Շարմազանով
«Այս ամիսների ընթացքում ակնհայտ դարձավ, որ Փաշինյանի և նրա կառավարության անդամների մոտ ավելի լավ ստացվում է քայլելը և երթ կազմակերպելը, քան տնտեսություն զարգացնելն ու ներդրումներ բերելը :Ում մոտ ինչը լավ ստացվում է, նա պետք է դրանով զբաղվի, և հավանաբար, պարոն վարչապետն էլ հասկացավ, որ իր մոտ տնտեսություն զրագացնելը, երկիր կառավարելը վատ է ստացվում կամ ընդհանրապես չի ստացվում, և նա որոշեց զբաղվել իր հարազատ գործով` քայլերթեր կազմակերպելով: Հուսով եմ, որ մի օր նա ամբողջությամբ կզբաղվի քայլերթերի կազմակերպմամբ, իսկ կառավարության գործը կտա ավելի պրոֆեսիոնալ գործիչների»,- ԱԺ-ում լրագրողներին ասաց ԱԺ փոխնախագահ Էդուարդ Շարմազանովը` անդրադառանալով Փաշինյանի` նոյեմբերի 24-ին երթ անցկացնելու գաղափարին: Ան, ինչի համար Փաշինյանը և նրա կառավարությունը տարիներ շարունակ քննադատում էին Հանրապետական կառավարություններին, հիմա ավելի մեծ թափով իրականացնում են: ԿԸՀ-ն պետք է կայացնի ճիշտ որոշում, որը բխում է Սահմանադրությունից,ասաց Շարմազանովը: Դիտարկմանը` Լենա Նազարյանն ասել է, որ բոլոր ուժերն ազատ են, իրենք էլ կարող են հանդիպումներ անցկացնել, պատգամավորն արձագանքեց. «Շնորհակալություն Լենա Նազարյանին և Նիկոլ Փաշինյանին, որ թույլ են տալիս, որ ես իմ ժողովրդի հետ հանդիպեմ»:
Հետևեք մեզ Viber-ում
