ԵԱՏՄ կազմում գտնվող Բելառուսն ինչո՞ւ է ավելի էժան գնով գազ ստանում, քան Հայաստանը. պարզաբանում

Ազգային ժողովի կողմից վավերացված 2013-2014 թվականների միջպետական համաձայնագրի որոշ դրույթներ սահմանափակել են Հանրային ծառայությունները կարգավորող հանձնաժողովի գործառույթ:Այս բոլոր դրույթները չեղարկելու հետ կապված բանակցություններ են ընթանում,- այս մասին հայտարարեց ՀՀ էներգետիկայի և բնական պաշարների նախարար Գարեգին Բաղրամյանը: Գարեգին Բաղրամյանը հիշեցրեց, որ գազի սակագնի 189 դոլարից 156 դոլարի իջեցման արդյունքում ձևավորվող լրացուցիչ գումարներն ամբողջությամբ պահպանվում են գազամատակարար ընկերությունում: «ԱԺ կողմից վավերացված նույն համաձայնագրի մեջ գրված է, որ 165 դոլարից 150 դոլարի իջեցման պարագայում կարող են նվազեցվել սակագները և հենց այդ չափով էլ 19 դոլարին կամ 9,3 դոլարին համարժեք դրամով գազի սակագինը նվազեցվել է 2016 թվականին: Այնուհետև ռուսական «Գազպրոմ Արմենիա» ՓԲԸ-ի կողմից նախաձեռնություն է եղել 15 դոլարի չափով նվազեցնել գազի սակագինը, ինչը տեղի է ունեցել 2017 թվականի հունվարի 1-ին: Այնուհետև նույն համաձայնագրով կա մի դրույթ, որով 2018 թվականին սահմանված սակագները պետք է պահպանվեն»,-ասաց նա: