Ռուսաստանի ՕՏՈՒ-ն շարունակում է աջակցել Սիրիայի բանակին

Ռուսաստանի օդատիեզերական ուժերը կաջակցեն Սիրիայի բանակին: Այդ մասին հայտնել է Ռուսաստանի նախագահի մամուլի քարտուղար Դմիտրի Պեսկովը, հայտնում է «ՌԻԱ Նովոստին»: Բացի այդ, նա ընդգծել էր, որ Ռուսաստանը կշարունակի պայքարը ահաբեկչական կազմակերպությունների դեմ: «Նախագահ Պուտինը բազմիցս ընդգծել է, որ նույնիսկ Սիրիայից մեր ռազմակազմի մի մասի դուրս բերումից հետո ժամանակավոր տեղակայման երկու կետում մնում են ՕՏՈՒ ստորաբաժանումներ: Կշարունակեն պայքարն այն ահաբեկչական խմբավորումների դեմ, որոնք ՄԱԿ Անվտանգության Խորհրդի կողմից ճանաչվել են որպես այդպիսին եւ կշարունակեն աջակցել Սիրիայի բանակի հարձակողական գործողություններին», — հայտնել է մամուլի քարտուղարը: