Արշակ սրբազանն այցելել է Մանվել Գրիգորյանին

«Հրապարակ» օրաթերթին հայտնի էր դարձել, որ Մայր Աթոռի դիվանապետ Արշակ արքեպիսկոպոս Խաչատրյանը օրերս այցելել է կալանավայրում գտնվող Մանվել Գրիգոյանին։ Արշակ սրբազանին հարցրինք՝ իր նախաձեռնությո՞ւնն է եղել, թե՞ կաթողիկոսն է իրեն հանձնարարել հանդիպել Գրիգորյանի հետ, նշեց, որ Մանվել Գրիգորյանն է ցանկություն հայտնել, որպեսզի դիվանապետը այցելի իրեն, և ինքն էլ գնացել է։ Հարցրինք նաև, թե ի՞նչ թեմայի շուրջ է տեղի ունեցել զրույցը, Արշակ սրբազանը նշեց, որ մանրամասներ չի կարող ասել զրույցից՝ հավելելով, որ զրուցել են հավատքից և հավատքին առնչվող թեմաներից։ Խոսվում է, որ Մանվել Գրիգորյանի առողջական վիճակը վերջին շրջանում կտրուկ վատթարացել է, ուստի Արշակ սրբազանին խնդրեցինք կիսվել իր ստացած տպավորություններով, նա նշեց, որ առողջական վիճակի մասին չի կարող ասել, քանի որ բժիշկ չէ, բայց ընդհանուր բարոյահոգեբանական վիճակը նորմալ է գնահատում։