Որ դեպքում հարկային բեռի որևիցե ավելացում չի լինելու. Միրզոյան

Փոխվարչապետի պաշտոնակատար Արարատ Միրզոյանն այսօրվա հրավիրված կառավարության արտահերթ նիստում անդրադարձավ արտագնա աշխատանքի մեկնած ՀՀ քաղաքացիներին հարկելու նախաձեռնության մասին՝ սոցցանցերում ծավալված քննարկումներին:  «Ես ուզում եմ ընդգծել, որ պետք է հաշվի առնել, որ զանազան գաղափարներ կարող են քննարկվել: Ընդ որում՝ քննարկումները կարող են հաճախ աղավաղվել և մեկնաբանվել ոչ այնպես, ինչպես կա: Դրանք կարող են չարժանանալ մարդկանց հավանությանը, բայց դրանք միայն հանրային համաձայնության ներքո կարող են իրականություն դառնալ: Եկամուտների համընդհանուր հայտարարագրման համակարգը սխալ է ընկալվել: Եթե այս գաղափարը կյանքի կոչվի, պիտի բացառվի որևէ կրկնակի հարկումը: Մինչ այդ մենք պետք է հասկանանք՝ որքանով է Հայաստանը պատրաստ դրան»,-նշեց նա: