Բրյուսելի ահաբեկչության զոհերի հիշատակի արարողությունը չեղյալ է հայտարարվել

Բրյուսելում ահաբեկչությունների զոհերի հիշատակին նվիրված արարողությունը, որը նախատեսված էր անցկացնել այսօր Բրյուսելի խորհրդանիշներից մեկի՝ Ատոմիումի մոտ, չեղյալ է հայտարարվել, հայտնում է RIA Novosti-ն՝ հղում կատարելով արարողության կազմակերպիչներին: Ատոմիումը հսկայական մետաղական շինություն է երկաթի մոլեկուլի տեսքով՝ մեծացված 165 միլիարդ անգամ: Ակցիայի կազմակերպիչը Pray for Belgium ասոցիացիան է, որն ավելի վաղ իշխանությունների թելադրանքով չեղյալ էր հայտարարել նաև Բելգիայի մայրաքաղաքում անցկացվելիք «վախի դեմ երթը»՝ անվտանգության նկատառումներով: