«Մենք զգուշացրել էինք». Վահրամ Բաղդասարյանը՝ Նիկոլ Փաշինյանին
ԱԺ ՀՀԿ խմբակցության ղեկավար Վահրամ Բաղդասարյանը, արձագանքելով Նիկոլ Փաշինյանին ուղղված Բելառուսի ԱԳՆ-ի կոշտ պատասխանին, ասել է. «Նման հռետորաբանությունն ընդունելի չէ՝ առավել ևս դաշնակից ու բարեկան երկրների միջև, քանի որ ՀԱՊԿ-ը մեծ ընտանիք է: Նիկոլ Փաշինյանը կորոշի՝ ինչպես դրսևորի իրեն դեկտեմբերի 6-ին»: Ըստ նրա՝ ի սկզբանե բացթողումներ եղել են ՀՀ իշխանությունների կողմից. «Մենք զգուշացրել էինք, որ Խաչատուրովը ՀԱՊԿ երկրների համաձայնությամբ նշանակված անձ է, և երբ գործ էր հարուցվել ու պետք է կալանավորվել, էթիկայից ելնելով նախապես պետք է տեղյակ պահվեին ՀԱՊԿ ղեկավարները: Եվ լարումն այդտեղից առաջացավ ու այդտեղից սկսվեց, որ կորցնելու ենք մեր տեղը: Սա կարող է հղի լինել բավականին տհաճ հետևանքներով: Պետք է շուտ իրար հասկանան»: Հարցին՝ համաձա՞յն եք, որ ինչպես Նիկոլ Փաշինյանը նշեց, պետք է բացատրություններ տան Բելառուսն ու Ղազախստանը, թե ինչո՞ւ են ՀԱՊԿ անդամ չհանդիսացող երկրի դեսպանի հետ քննարկում փակ դռների հետևում տեղի ունեցած բանակցությունները, Բաղդասարյանն ասել է. «Բնականաբար ցանկալի չէ, հանկարծ հայտնվում է Արդբեջանի դեսպանն ու նման քննարկում է կատարվում: Պետք է լուսաբանվի՝ ինչպիսի՞ պայմանավորվածություն էր ձեռք բերվել, որը խախտվել է: Որքան իրար շուտ հասկանան, այնքան լավ: Մի բան պետք է ֆիքսենք, որ Ադրբեջանը ՀԱՊԿ-ի հետ որևէ առնչություն չունի»:
Հետևեք մեզ Viber-ում
