Արմեն Ռուստամյանը դիտողություն արեց Փաշինյանին

Միանշանակ է, որ թե՛ Բելառուսի, թե՛ Ղազախստանի ղեկավարների հայտարարությունները չեն բխում կառուցողական ոգուց, որն առկա է ՀԱՊԿ գործընկերության մեջ: Այս մասին ԱԺ ճեպազրույցների ժամին նշեց ԱԺ ՀՅԴ խմբակցության ղեկավար Արմեն Ռուստամյանը:  «Ես ցավում եմ, որ այսպիսի իրավիճակ է առաջանում նման կարևոր ձևաչափում, որ ՀԱՊԿ-ն է: Միանշանակ է, թե՛ Բելառուսի, թե՛ Ղազախստանի նախագահների հայտարարությունները չեն բխում կառուցողականության ոգուց և այն համագործակցության տրամաբանությունից, որ ՀԱՊԿ գործընկերության մեջ առկա է»: Ինչպես նշեց` մինչ այս գործընթացները` պետք է հասկանային, որ բաց կա կանոնադրության մեջ: «Մինչև Խաչատուրովին հետ կանչելը պետք էր նախապատրաստվել, որը չենք արել, ոչ թե փաստից հետո փորձել խնդիրները լուծել: Տեսնում եմ՝ Ադրբեջանի նախագահը ինչպիսի հրճվանք է ապրում՝ մեղադրանքի սլաքը ուղղելով ՀՀ-ի վրա, որ եթե խնդիր կա այդ կազմակերպության մեջ, ուրեմն ՀՀ-ից է: Հմուտ պետք է լինել, մի կողմից՝ ՀԱՊԿ-ի նշանակությունը այս առանձնահատուկ իրավիճակում իրական դառնա, քայլերն էլ համապատասխան տրամաբանությամբ, մյուս կողմից էլ չունենալով այլընտրանք՝ չեմ կարծում՝ մեր գոյությունն այդտեղ դնելը հարվածի տակ դնելը սխալ ճանապարհ է»: Արմեն Ռուստամյանի համոզմամբ` անձնական հեղինակության խնդիր է արդեն կարծես դառնում, իրենց հայտարարություներից դա զգացվում է: «Գիտենք՝ ում հետ գործ ունենք, մարդիկ այնպիսի գնահատականների են սովոր, որ իրենց համար ցանկացած այլ գնահատական ոչ միայն լսողությունն է խզում, այլև առողջությունն է քայքայում: Մարդկանց վիրավորում ենք՝ հին դիկտատոր ասելով: Հիմա իզուր տեղը ջուր լցնե՞նք ուրիշի ջրաղացին և դրանով մեր դիրքերը թուլացնե՞նք»