Մեկը թող ինձ հստակ ու փաստարկված բացատրի՝ ինչու՞ են Սասնա ծռերին ոմանք անվանում ծայրահեղական. Պապյան

Մեկը թող ինձ հստակ ու փաստարկված բացատրի՝ ինչու՞ են Սասնա ծռերին ոմանք անվանում ծայրահեղական: Այն պատճառո՞վ, որ ասում են՝ չի կարելի հանձնել ազատագրված տարծքները իբր խաղաղության կամ կարգավիճակի դիմաց: Դա չի բերի խաղաղություն, այլ կսանձազերծի ավելի դաժան պատերազմ: Այն պատճառո՞վ, որ ի պատասխան Ալիևի Երևանը գրավելու ասում են պետք է հասնել Քուր-արաքսյան բնագծին, որպեսզի Երևանը դադարի ռազմաճակատային քաղաք լինելուց և մենք հնարավորություն ունենանք մեր հայրենիքը պաշտպանել: Այն պատճառո՞վ, որ ի պատասխան Ռուսաստանի կողմից Ադրբեջանին հարձակողական զենքի վաճառքի ասում են, որ դա դաշնակցի վարք չէ: Այն պատճառո՞վ, որ ասում են Ռուսաստանն ինքը պիտի հոգա իր ռազամբազայի բոլոր ծախսեր և հայաստանցի հարկատուն չպիտի վճարի ռուս սպայի ծախսերը: Այն պատճառո՞վ, որ ասում են՝ հանցագործը պիտի բանտում լինի և գողոնը պիտի վերադարձվի, իսկ հանդուրժողականությունը հանցագործի նկատմամբ հանդուրժողականություն չէ, այլ հանցակցություն: Այն պատճառով, որ ասում են առանց արդարադատության չի կարող լինել արդարություն: Այն պատճառո՞վ, որ ասում են Արցախը Հայաստան է և վերջ: Որ չի կարելի պառակտել ազգն ու պետությունը և դա իբր դիվանագիտություն ներկայացնել: Այն պատճառո՞վ, որ ասում են պետք է սկսել գործընթաց Հայաստանի Հանրապետության տարածքային ամբողջականության գոնե de jure վերականգնման ուղղությամբ: Այն պատճառո՞վ, որ ...... (մնացածը դու ավելացրու հայրենի հայրենակից) Իր ֆեյսբուքյան էջում գրել է Արա Պապյանը: