Ողբերգական ավտովթար Յարոսլավլում.հայ է մահացել

Նոյեմբերի 12-ին Յարոսլավլ-Կոստրոմա մայրուղու վրա  իրար էին բախվել բեռնատարն ու «Ֆորդ» մակնիշի մարդատարը :Տեղի ունեցած վթարի հետևանքով զոհված տղամարդու ինքնությունը պարզվել է: «Ֆորդ» մակնիշի մարդատարի վարորդը Մխիթար անունով 54-ամյա տղամարդ էր: Վերջինս Հայաստանից Յարոսլավլ էր մեկնել 3 ամիս առաջ՝ այցելելու այնտեղ բնակվող ընկերոջը:Այդ օրն ընկերոջ հետ միասին ուղևորվելիս է եղել Կոստրոմա: Նրանք տարբեր մեքենաներով են երթևեկել: Հաղորդվում է, որ մարդատարը, որի ղեկին է եղել 54-ամյա Մխիթարը, դուրս է եկել հանդիպակաց երթևեկության գոտի, ինչի հետևանքով էլ տեղի է ունեցել բախումը բեռնատարի հետ: Ընկերոջ խոսքով՝ տղամարդու դին այսօր ուղարկվել է Հայաստան, որտեղ ապրում են նրա կինն ու երեխաները՝ երկու տղա, մեկ աղջիկ: