Խոշոր ավտովթար Գեղարքունիքի մարզում. բախվել են 34-ամյա վարորդի Volkswagen-ն ու 51-ամյա վարորդի Mitsubishi Pajerօ IO-ն

Այսօր՝ նոյեմբերի 15-ին, խոշոր ավտովթար է տեղի ունեցել Գեղաքունիքի մարզում։ Ժամը 10։00-ի սահմաններում Սևան-Մարտունի-Գետափ ավտոճանապարհի 22-րդ կմ հատվածում բախվել են Գեղարքունիքի մարզի Գեղհովիտ գյուղի բնակիչ՝ 34-ամյա Արգիշտի Ազիզյանի վարած Volkswagen մակնիշի 33 TԼ 724 համարանիշի և Գեղարքունիքի մարզի Լիճք գյուղի բնակիչ՝ 51-ամյա Մայիս Արզումանյանի վարած Mitsubish Pajero IO մակնիշի 34 AP 557 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, բախման հետևանքով Mitsubishi-ն դուրս է եկել երթևեկելի գոտուց, բախվել երկաթներին ու ցանցե ճաղավանդակներին ու կողաշրջված վիճակում հայտնվել ձորակում։ Վթարի հետևանքով վարորդներից Մ. Արզումանյանն ու նրա ուղևորներ՝ համագյուղացիներ, 43-ամյա Սիրանույշ Արզումանյանը և 23-ամյա Արման Արզումանյանը մարմնական վնասվածքներով տեղափոխվել են Գավառի բժշկական կենտրոն։ Դեպքի վայր են ժամանել Ճանապարհային Ոստիկանության 2-րդ սպայական գումարտակի 4-րդ վատի 1-ին դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Վրույր Գաբրիելյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Մինաս Մինասանը տեղեկությունը փոխանցել է Ոստիկանության Գավառի բաժին, որտեղից ժամանել է օպերատիվ խումբը՝ համայնքային ոստիկանության բաժանմոնքի պետի գլխավորությամբ։ Տեղում հետաքննչական աշխատանքները ղեկավարում է ՃՈ 2-րդ սպայական գումարտակի 4-րդ վաշտի ավագ հետաքննիչ Բակուր Սարիբեկյանը, ում կողմից փաստի առթիվ նյութեր են նախապատրաստվում։ Հետաքննիչի հանձնարարականով մեքենաները տեղափոխվում են Ոստիկանության Գավառի բաժնի հատուկ պահպանվողղ տարածք։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: