Սերժ Սարգսյանի աչքերի մեջ նայելով իմ ասելիքն ասել եմ. Մարուքյան
«Ընդդիմություն կարող է լինել այն քաղաքական ուժը, որին Հայաստանի քաղաքացին տեսնում է որպես ապագա իշխանություն, հետեւաբար այդ ուժը չի կարող լինել Հանրապետականը։ ՀՀԿ–ն ասում է՝ միակ ընդդիմությունը կարող է լինել, բայց գոյություն ունի քաղաքագիտություն, որի համաձայն, ընդդիմությունն ապագա իշխանությունն է, իսկ Հայաստանի Հանրապետության քաղաքացին ՀՀԿ–ին չի տեսնում որպես ապագա իշխանություն։ ՀՀԿ–ից նոր ենք պրծել կամ պրծնում, չի կարող այդ ուժը հավակնել լինել ապագա իշխանություն»,– խորհրդարանում լրագրողների հետ զրույցում ասաց «Լուսավոր Հայաստան» կուսակցության նախընտրական ցուցակը գլխավորող Էդմոն Մարուքյանը։ «Մենք պայքարելու ենք խորհրդարանում երկրորդ ուժը լինելու համար, քանի որ ակնհայտ է՝ հեղափոխական ուժն ունի դոմինանտ ձայներ ստանալու հնարավորություն։ Խորհրդարանում հայտնվելուց հետո միայն մենք մեր հետագա քայլերի մասին կհայտարարենք: Ես իմ ասելիքները Սերժ Սարգսյանի աչքերի մեջ նայելով եմ ասել, Սերժ Սարգսյանն որ այստեղ նստած էր, այդ ժամանակ ասել եմ իմ ասելիքը։ Ով այն ժամանակ լռել է, այսօր է խոսում, նրանք թող մտածեն, ես բան չունեմ ասելու»,-հավելեց նա:
Հետևեք մեզ Viber-ում
