Փաշինյանը կոչ արեց ուշադիր լինել
Կառավարության այսօրվա նիստում որոշում ընդունվեց ՀՀ արդարադատության նախարարությանը հատկացնել 270 միլիոն 858 հազար դրամ՝ ՀՀ քրեակատարողական հիմնարկներում կապիտալ վերանորոգման աշխատանքներ իրականացնելու համար: ՀՀ արդարադատության նախարարի պաշտոնակատար Արտակ Զեյնալյանը նշեց, որ հրատապ հիմնանորոգման կարիք ունի «Վարդաշեն» ՔԿՀ-ի արտաքին ջրահեռացման համակարգը, «Նուբարաշեն» ՔԿՀ-ի արտաքին ու ներքին ջրահեռացման ցանցը, «Սևան» ՔԿՀ-ի արտաքին ջրահեռացման ցանցը: ՀՀ վարչապետի պաշտոնակատար Նիկոլ Փաշինյանն ասաց, որ այս հարցում պետք է ուշադիր լինել: «Աշխատանքի որակի հետ կապված պետք է լինել ուշադիր, որ ստիպված չլինենք ավելի հաճախ նույն խնդրի վրա գումար ծախսել»,-ասաց նա, իսկ Արտակ Զեյնալյանն էլ ասաց, որ 10 տարուց ավելի է՝ այդ ՔԿՀ-ներում կապիտալ վերանորոգում չի կատարվել:
Հետևեք մեզ Viber-ում
