Լոռու մարզում բախվել են Volkswagen Golf-երը.կան վիրավորներ

SHAMSHYAN.com-ի տեղեկություններով՝ Ճանապարհային Ոստիկանության 2-րդ սպայական գումարտակի 5-րդ վաշտի ավագ հետաքննիչ Համբարյանի կողմից նյութեր են նախապատրաստվում նոյեմբերի 8-ին Լոռու մարզում տեղի ունեցած խոշոր ավտովթարի փաստով։ Ժամը 17։00-ի սահմաններում Վանաձոր քաղաքի Երևանյան խճուղու թիվ 131 հասցեի մոտ բախվել են Վանաձոր քաղաքի Չուխաջյան փողոցի բնակիչ՝ 52-ամյա Վարդան Ասլիկյանի վարած Volkswagen Golf մակնիշի 35 ՍN 148 համարանիշի և Լոռու մարզի Գուգարք գյուղի բնակիչ՝ 26-ամյա Արտյոմ Սարգսյանի վարած Volkswagen Golf մակնիշի 35 ՕR 899 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Վ. Ասլիկյանի ուղևորներ՝ Վանաձորի բնակիչներ, 37-ամյա Սասուն Բաբայանը, 40-ամյա Ռոբերտ Գալստյանը և վարորդ Ա. Սարգսյանը մարմնական վնասվածքներով տեղափոխվել են «Վանաձոր» բժշկական կենտրոն։ Դեպքի վայր են ժամանել Ճանապարհային Ոստիկանության 2-րդ սպայական գումարտակի 5-րդ վաշտի 1-ին դասակի ծառայողները՝ վաշտի հրամանատար Սմբատ Նորեկյանի, դասակի հրամանատար Գարիկ Մարտիրոսյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է Ոստիկանության Վանաձոր քաղաքի Բազումի բաժին, որտեղից ժամանել է օպերատիվ խումբը՝ համայնքային ոստիկանության բաժանմունքի ավագ տեսուչ Մարդանյանի գլխավորությամբ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները և տեսանյութը՝ Արմինե Դանիելյանի