Չէի ասի,որ ՀԱՊԿ-ում ՀՀ դիրքերը երերուն են.Արարատ Միրզոյան (video)

23:06 - 13/նոյեմբերի/2018

«Դեկտեմբերի 6-ին սպասվում է ՀԱՊԿ քարտուղարի շուրջ հերթական քննարկումը: Չէի ասի, որ երերուն են, բնավ չէի ասի։ Եթե դուք տասնյակ հարցերի մասին խոսեք, որոնք առնչվում են Հայաստանին և այդ կառույցի շրջանակում են, ապա դրանից ելելով կարող ենք գնահատել՝ երերուն են ՀՀ դիրքերը կառույցում, թե ոչ։ Եթե նման վերլուծություն անեք, վստահ եմ, որ կտեսնեք՝ երերուն չեն»,-հարցին , թե արդյոք ՀՀ դիրքերը կառույցում երերուն չդարձան Հայաստանի ներկայացուցչին գլխավոր քարտուղարի պաշտոնից հետ կանչելուց հետո ,նման պատասխան տվեց ՀՀ առաջին փոխվարչապետ Արարատ Միրզոյանը լրագրողների հետ զրույցում:

Հայաստանն արդեն իսկ խնդիր ունի ՀԱՊԿ-ում, քանի որ չի կարողանում իր դերակատարումը պաշտպանել,հարցրեցին լրագրողները.

«Ո՞վ է ասում՝ չենք կարողանում պաշտպանել։ Արդեն ասացի՝ առնվազն 10 հարցով ցուցանիշ է պետք նայել։ Դուք առանձին հարց եք վերցրել ու ասում եք, որ եթե չստացվի, ապա երերուն ենք դարձել: Եթե ՀԱՊԿ-ում մեր դերակատարումը չենք կարող պաշտպանել, չի նշանակում, որ խնդիր ունենք»,ասաց նա: Անդրադառնալով ՀԱՊԿ գագաթաժողովի ժամանակ Նիկոլ Փաշինյանին ուղղված Բելառուսի նախագահի հայտարարությանը՝ Միրզոյանը նշեց. «Եղել է քննարկում, կարծիքների բախում, և շատ լավ է, որ տարբեր կառույցներում միշտ կա քննարկում։ Ո՞վ է ասել, որ բոլորը պետք է միակարծիք լինեն, բոլորը տարբեր շահեր են ներկայացնում։ Բնական է, նորոմալ է, որ եղել է քննարկում և անհամաձայնություն»։