Ով կգլխավորի «Սասնա ծռեր»-ի համապետական ցուցակը
«Սասնա ծռեր» կուսակցության ներկայացուցիչ Ժիրայր Սեֆիլյանը լրագրողների հետ զրույցում տեղեկացրեց,որ ԱԺ արտահերթ ընտրություներում «Սասնա ծռեր» կուսակցության համապետական ցուցակը կգլխավորի կուսակցության համահիմնադիր Վարուժան Ավետիսյանը, իսկ քաղաքագետ Ստեփան Գրիգորյանը կլինի ցուցակի երկրորդ համարը: Ստեփան Գրիգորյանը հայտարարեց, որ համաձայնել է մասնակցել ընտրություններին «Սասնա ծռեր»-ի ցուցակով, քանի որ իրենց հայացքները համընկնում են: «Ես «Սասնա ծռերի» հետ եմ, քանի որ իրենք ազնիվ են, հայրենասեր եւ սկզբունքային: «Սասնա ծռեր» կուսակցությունը միակ ուժն է, որն ունի 300 էջանոց, լուրջ ռազմավարական ծրագիր: Ինձ համար կարեւոր է «Սասնա ծռերի», դեռեւս հուլիսին արված այն հայտարարությունը, որ իրենք հրաժարվում են քաղաքական հարցերը բռնությամբ լուծելու տարբերակից»,-ասաց նա: «Ես , լինելով արեւմտամետ, այն կարծիքին եմ, որ Հայաստանը պետք է խորացնի հարաբերությունները Արեւմուտքի, հատկապես Եվրամիության հետ:Մենք բոլորս պետք է դեմ լինենք վասալային հարաբերություններին»,-ասաց նա: Գրիգորյանը համոզմունք հայտնեց, որ արտահերթ խորհրդարանական ընտրությունների արդյունքում խորհրդարան կանցնեն ՔՊ-ն եւ «Սասնա ծռերը»: Ըստ նրա՝ «Սասնա ծռերը» ԱԺ-ում հակակշիռ է լինելու Նիկոլ Փաշինյանի իշխանությանը:
Հետևեք մեզ Viber-ում
