Ո՞նց ընդհանրապես կարելի է քվեարկել ՀՀԿ-ի օգտին. Արարատ Միրզոյան
«Ես իրենց տեղը պաուզա կվերցնեի քաղաքական կյանքի մասնակցությունից, որովհետև բոլոր խնդիրները, որ այսօր ունենք, արմատներով գնում են Հանրապետական կուսակցություն :Բոլոր արտավոր երևույթների սկզբնաղբյուրը իրենք են ու հիմա եկել խոսում են դիկտատուրայից։ Ես զարմանում եմ։ Էդ մարդիկ կամ ադեկվատ չեն, իրենք իրենց չեն խոստովանում ճշմարտությունը կամ խաբում են մարդկանց», - լրագրողներին ասաց ՀՀ առաջին փոխվարչապետ Արարատ Միրզոյանը։ «Մինչև հեղափուխությունը ՀՀ-ում միջնադարյան ֆեոդալային համակարգ էր գործում, որտեղ իշխանները շահագործում էին մնացածին: Չեմ պատկերացնում՝ ո՞նց ընդհանրապես կարելի է քվեարկել ՀՀԿ-ի օգտին»,-ասաց նա: Դիտարկմանը, թե ՀՀԿ-ն պնդում է, որ միակ ընդդիմությունը կլինի և իր՝ խորհրդարանում չհայտնվելու դեպքում իշխանությունը կունենա միայն գրպանային ընդդիմություն, Միրզոյանն արձագանքեց. «Այդ դիսկուրսը ինձ չի հետաքրքում, թող իրենք կողմնորոշվեն՝ ով է իրական, ով՝ ոչ։ Ես չիրական ընդդիմության անհրաժեշտություն չեմ տեսնում։ Դասագրքային բանաձև կա, բոլոր նրանք, ովքեր կառավարությունում ընդգրկված չեն, ընդդիմություն են»։
Հետևեք մեզ Viber-ում
