Պալմիրայի վերականգնման գործում ակնկալում ենք միջազգային հանրության ակտիվ մասնակցությունը.Ասադ
Ռիա նովոստիի փոխանցմամբ, ՄԱԿ-ի գլխավոր քարտուղար Պան Գի Մունը հայտարարել է,որ Սիրիայի հնագույն Պալմիրա քաղաքի ազատագրումն ահաբեկչական խմբավորումներից երջանիկ իրադարձություն է և կարևոր մշակութային արժեք ներկայացնող քաղաքի պահպանման համար և հույս է հայտնել, որ Սիրիայի իշխանություններին կհաջողվի վերականգնել մշակութային ժառանգությունը: ՌԴ նախագահ Վլադիմիր Պուտինը հեռախոսազրույց է ունեցել Սիրիայի նախագահի հետ՝ հայտնելով, որ հանձնարարել է պաշտպանության նախարարությանն առավելագույնս համագործակցել սիրիական ուժերի հետ Պալմիրան ականազերծելու գործում: Ասադն իր հերթին հայտարարել է, որ ակնկալում է միջազգային հանրության ակտիվ մասնակցությունը հին քաղաքի վերականգնման գործում: Պալմիրայի ազատագրումն ողջունել է նաև ՅՈՒՆԵՍԿՕ-ի քարտուղար Իրինա Բոկովան և ասել է, որ ՅՈՒՆԵՍԿՕ-ն պատրաստ է Պալմիրա ուղարկել իր փորձագետներին, որպեսզի գնահատեն հասցած վնասը և պաշտպանել քաղաքի անգին ժառանգությունը: Նշենք, որ նախօրեին սիրիական բանակը և աշխարհազորայիններն ամբողջությամբ ազատագրել են քաղաքը «Իսլամական պետություն» ահաբեկչական խմբավորումից: Ռուսական ավիացիան երեկ Պալմիրայի շրջանում 40 թռիք է իրականցրել՝ հարված հասցնելով ահաբեկիչների 117 օբյեկտի:
Հետևեք մեզ Viber-ում
