Ահաբեկչության նախապատրաստման կասկածանքով ֆրանսիացի է ձերբակալվել

Ռոտերդամում ձերբակալվել է Ֆրանսիայի 32-ամյա քաղաքացի, ով կասկածվում է Ֆրանսիայում նոր ահաբեկչական հարձակում կազմակերպելու մեջ,նա կարտահանձնվի Ֆրանսիա: Նիդերլանդների ոստիկանության հաղորդմամբ՝ ձերբակալման գործողությունն անցկացվել է ֆրանսիական իշխանությունների խնդրանքով։ Գործողության մեկնարկից առաջ երկու հարակից փողոցների շենքերի բնակիչները տարհանվել էին։ Նրա հետ մեկտեղ ևս 3 մարդ է ձերբակալվել, նրանցից 2-ը ծագումով Ալժիրից են, երրորդի ծագումը դեռևս չի հաղորդվում։ Նիդերլանդների դատախազությունն այլ մանրամասներ չի ներկայացրել՝ ասելով, որ այդ գործով հետաքննությունը կանցկացնի Ֆրանսիան։