Իսկ Սերժ Սարգսյանը, մենակ մնալով քվեախցում, քվեարկե՞լ է «Ելք» դաշինքի օգտին. Հրաչյա Հակոբյան
Նիկոլ Փաշինյանին «Մարտի 1-ը» հրահրելու մեջ մեղադրելը զրպարտանք է: Նման կարծիք հայտնեց ԱԺ «Ելք» խմբակցության պատգամավոր Հրաչյա Հակոբյանը. «ՀՀԿ-ի հերթական մանյովրներից մեկն է: Նիկոլ Փաշինյանը երկու տարի պատիժ է կրել, իսկ ո՞ւր են այն մարդիկ, որոնք կրակել են ժողովրդի վրա, ինչո՞ւ ՀՀԿ-ի իշխանության օրոք որևէ մեկը պատասխանատվության չենթարկվեց»,- անդրադառնալով ՀՀԿ-ի տարածած հայտարարության այն կետին, որով ՀՀԿ-ն որպես «Մարտի 1-ի» հրահրողներից մեկը նշում է Նիկոլ Փաշինյանի անունը, ասաց նա: Այնուհետև խոսելով նախօրեին ՀՀԿ առաջին փոխնախագահ Վիգեն Սարգսյանի հայտարարությունից, թե Նիկոլ Փաշինյանը քվեախցիկում մենակ մնալով, եթե անկեղծ է նոր Հայաստան կառուցելու իր մղումներում, պետք է ընտրի ՀՀԿ-ին, քանի որ նա է միակ ընդդիմությունը, հարցրեց` իսկ Սերժ Սարգսյանը, մենակ մնալով քվեախցում, քվեարկե՞լ է «Ելք» դաշինքի օգտին. «Ինձ հետաքրքիր է, թե եղե՞լ է մի լրագրող, որ հարցրել է պարոն Սարգսյանին, թե արդյոք նա կամ նրա քաղաքական հայր Սերժ Սարգսյանը 2017 թվականի ԱԺ ընտրությունների ժամանակ մենակ գտնվելով քվեախցում քվեարկել են «Ելք» դաշինքի օգտին»:
Հետևեք մեզ Viber-ում
