Քաղաքագետ Ստեփան Գրիգորյանը՝ «Սասնա ծռերի» ընտրական ցուցակում

Արատհերթ խորհրդարանական ընտրությունների նախաշեմին խորհրդարան անցնելու հայտ ներկայացնող ուժերն արդեն լծվել են ցուցակներ կազմելու գործին։ Factor.am-ին հայտնի դարձավ, որ քաղաքագետ, Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանը կլինի «Սասնա ծռեր» կուսակցության ցուցակում։ Լուրը Factor.am-ի հետ զրույցում քաղաքագետը ո՛չ հերքեց, ո՛չ հաստատեց, իսկ քիչ անց էլ կուսակցությունը տարածեց հայտարարություն՝ Շիրակի մարզում հանդիպում ունենալու մասին։ Կուսակցության ամբողջական ցուցակը դեռևս հրապարակված չէ։