«Ընտրությունները թանկ հաճույք է». Արարատ Միրզոյան

Կառավարության այսօրվա նիստում որոշում ընդունվեց՝ դեկտեմբերի 9-ին սպասվող արտահերթ խորհրդարանական ընտրություների անցկացման համար 2018 թվականի բյուջեի պահուստային ֆոնդից միայն Կենտրոնական ընտրական հանձնաժողովին հատկացվնել 2 միլիարդ 707 միլիոն 144 հազար 200 դրամ, արդարադատության նախարարությանը՝10 միլիոն դրամ՝ Ընտրական օրենսգրքի 10 հազար օրինակ տպագրելու, ոստիկանությանը՝ 234 միլիոն 224 հազար 800 դրամ համար, իսկ կապի ծառայությունների ապահովման համար հատկացվելու է 224 միլիոն 200 հազար դրամ։ Առաջին փոխվարչապետի պաշտոնակատար Արարատ Միրզոյանն ասաց, որ ընտրություններ անցկացնելը թանկ հաճույք է.ՙՙԲացի նշված գումարից, ընտրությունների կազմակերպման և անցկացման համար ֆինանսական աջակցություն է տրամադրվելու նաև միջազգային հանրության՝ տարբեր դոնոր պետություններից, որոնք ասնակցում են այս ծրագրին և հոգում են ծախսերի մի մասը, այդ թվում՝ տեսանկարահանող սարքերի տեղադրման հետ կապված: Խորհրդարանական ընտրությունների ժամանակ ընտրատեղամասերում կլինեն տեսանկարահանող սարքեր՚՚,-ասաց նա: