Արսեն Թորոսյանը` ՔՊ-ի ցուցակով առաջադրվելու մասին
«Առաջիկա խորհրդարանական ընտրություններին մասնակցելու եմ «Քաղաքացիական պայմանագիր» կուսակցության ցուցակով՝ որպես ռեյտինգային թեկնածու» ,- այս մասին ԱԺ-ում հայտնեց ՀՀ առողջապահության նախարարի պաշտոնակատար Արսեն Թորոսյանը ,2019 թ. պետական բյուջեի նախագծի քննարկումից հետո լրագրողների հետ զրույցում: «Ես առաջադրվելու եմ Նորք Մարաշ, Էրեբունի, Կենտրոն և Նուրբարաշեն վարչական շրջաններում: Ռեյտինգային ընտրակարգով մասնակցելը, կարծում եմ, դժվար չի լինի ինձ համար»,-ասաց Թորոսյանը: Նա նկատեց՝ ընտրապայքարի մեջ է մտնելու ՔՊ-ին շատ ձայներ բերելու համար: Իսկ ընտրությունների արդյունքներից հետո ինքը կորոշի՝ կպաշտոնավարի ԱԺ-ո՞ւմ, թե՞ նախարարի պաշտոնում: Թորոսյանի խոսքով՝ ադմինիստրատիվ ռեսուրսի օգտագործումն ու չարաշահումը որևէ տեղ չեն ունենալու այս ընտրություններում: Նա բացառեց բժշկական անձնակազմի ռեսուրսի օգտագործման մեթոդով ձայներ ստանալու հնարավորությունը:
Հետևեք մեզ Viber-ում
