«Մի կերպ կդիմանամ». Արթուր Մեսչյան
Երևանի գլխավոր ճարտարապետ Արթուր Մեսչյանը դիմել է քաղաքացիներին՝ ապօրինի շինարարությանը՝ խոստանալով , որ այլև հողի բռնազավթում տեղի չի ունենալու: «Ես դիմում եմ մեր քաղաքացիներին մի՛ ստեղծեք ձեզ համար խնդիրներ: Ես գիտեմ, որ հիմա ահռելի թվով մարդկանց մոտ ես սարսափելի վատ մարդ եմ ներկայանում, կներեք, ես դրան մի կերպ կդիմանամ, որովհետև այն ամենը, ինչ ես ասում եմ՝ հօգուտ մեր Երևանի է»,- քաղաքապետարանում հրավիրած մամուլի ասուլիսում ասաց Երևանի գլխավոր ճարտարապետ Արթուր Մեսչյանը: Բանախոսն անդրադարձավ Հյուսիսային պողոտայի կառուցապատման ծեծված թեմային. «Ես շատ հաճախ լսում եմ, որ բոլորը բողոքում են Հյուսիսային պողոտայից, բայց այդ բողոքողների 90%-ը երեկոյան քայլում է Հյուսիսային պողոտայում: Նարեկ Սարգսյանի դեմ լարվածությունը, որ սկսվել է Հուսիսային պողոտայից, ինձ համար այդքան էլ հասկանալի չէ: Ինձ համար հասկանալի կլիներ, եթե այդ փողոցով ոչ մեկը չքայլեր»:
Հետևեք մեզ Viber-ում
