Օսիպյանը դեմ է «Սասնա ծռերի» համաներմանը
ՀՀ ոստիկանապետ Վալերի Օսիպյանը, անդրադառնալով հարցին` 2016-ին «Սասնա ծռեր» խմբավորման կողմից ՊՊԾ շենքի գրավում գործողությունների ժամանակ պատանդ է եղել, կո՞ղմ է «Սասնա ծռերի»` համաներմամբ ազատ արձակմանը, ասաց. «Նախաքննության ժամանակ իմ տված ցուցմունքները սպառիչ են եղել և հիմա էլ դրանք պնդում եմ: Որպես ոստիկան, ուժային կառույցի ղեկավար` կարծում եմ, որ հանցանք կատարած յուրաքանչյուր անձ պետք է պատասխան տա օրենքի առջև»: Ճշտող հարցին` կարո՞ղ ենք ասել, որ «Սասնա ծռերի» համաներմանը դեմ է. «Ես կիսում եմ զոհվածների հարազատների մտահոգությունները, նրանց կարծիքը: Մենք կորցրել ենք ընկերներ, կորցրել ենք մեր լավագույններին: Այս պահի դրությամբ` համաներման տեքստում նշված է, որ պետք է պատանդների կարծիքը հաշվի առնվի: Ես կողմ եմ այդ կարծիքին, որ իմ և մնացած ապատանդների կարծիքը հաշվի առնվի»:
Հետևեք մեզ Viber-ում
