Պետրոս Ղազարյանը տեղափոխվու՞մ է Հանրային հեռուստաընկերություն
Օրերս մամուլում տեղեկություններ էին տարածվել, որ «Կենտրոն» հեռուստաընկերության մեկնաբան Պետրոս Ղազարյանը բանակցում է Հանրային հեռուստաընկերության ղեկավարության հետ՝ Հ1 տեղափոխվելու համար: Այսօր ԱԺ-ում լրագրողների հետ զրույցում «Հանրային» հեռուստաընկերության գործադիր տնօրեն Մարգարիտա Գրիգորյանից լրագրողները փորձեցին պարզել, որքանո՞վ է այդ տեղեկությունը համապատասխանում իրականությանը. «Որևէ հստակ որոշում չկա, մենք դեռ բանակցում ենք»,-ասաց նա: Հարցին՝ Պետրոս Ղազարյանն ունի ընդգծված քաղաքական հայացքներ և ԲՀԿ-ի ցուցակով մասնակցում էր Երևանի ավագանու ընտրություններին, Մարգարիտա Գրիգորյանը պատասխանել է, թե յուրաքանչյուրը կարող է լինել կողմնակալ: Ըստ նրա՝ հետուստաընկերությունները, այդ թվում՝ «Հանրայինը», ընտրություն կատարելու լայն հնարավորություն չունեն:
Հետևեք մեզ Viber-ում
