Լիլիթ Մակունցը ռեյտինգային ընտրակարգով կառաջադրվի
Մշակույթի նախարարի պաշտոնակատար Լիլիթ Մակունցը ռեյտինգային ընտրակարգով կառաջադրվի պատգամավորի թեկնածու: Այս մասին այսօր խորհրդարանում լրագրողներին ասաց Լիլիթ Մակունցը: Նա նշեց, որ կառաջադրվի Աջափնյակ, Արաբկիր և Դավթաշեն վարչական շրջաններում: «Ռեյտինգային կարգով մասնակցելու եմ ընտրություններին Աջափնյակ, Արաբկիր և Դավթաշեն վարչական շրջաններում, իսկ թե ինչ կլինի ընտրություններից հետո, մենք թիմով կորոշենք, թե ինչ ենք անելու: Մեր շեշտադրումն այն է, որ ունենանք, թե լավ կառավարություն, թե լավ խորհրդարան»,- ասաց մշակույթի նախարարի պաշտոնակատար Լիլիթ Մակունցը: Նախարարի պաշտոնակատարը նաև նշեց, որ ինքը «Քաղաքացիական պայմանագիր» կուսակցությանն անդամակցել է նախարարի պաշտոնը զբաղեցնելուց հետո, որպեսզի ամրագրի իր պաշտոնական կարգավիճակը: Հարցին, թե ինչո՞ւ պետք է մարդիկ իրենց ձայն տան, նա պատասխանեց.«Մշակույթի նախարարությունում ինձ հետ աշխատողների շնորհիվ մի քանի խնդիրներ, որոնք 30 տարի չեն լուծվել, հիմա լուծում են ստացել: Եվ դա եղել է միայն մեկ բանի շնորհիվ, որ եղել է քաղաքական կամք: Իսկ Ազգային ժողովում ներկայացվելու հայտ ներկայացնողի համար, կարծում եմ, կարևոր է գիտակցել ու հասկանալ և այդ փորձառությունն ունենալ, որ քաղաքական կամքով հնարավոր է սկզբունքորեն երկար տարիների անհաղթահարելի խնդիրները լուծել: Ես կարծում եմ՝ դա բավարար պատճառ է ինձ ձայն տալու»:
Հետևեք մեզ Viber-ում
