Ֆինլանդիայում հնագույն եկեղեցի է այրվել. տեսանյութ

Ֆինլանդիայի Յուլիվիեսկա քաղաքում մարտի 26-ին հրկիզման հետևանքով ամբողջությամբ հրդեհվել է 18-րդ դարի փայտե եկեղեցին, տեղեկացնում է Kaleva լրատվամիջոցը: Երբ հրշեջները դեպքի վայր են ժամանել, եկեղեցին արդեն ծխում էր. եկեղեցապատկան գույքը հնարավոր չի եղել փրկել: Տուժածների մասին տեղեկություններ չկան: Երեկոյան եկեղեցում պետք է Զատկի պատարագ մատուցվեր: Ոստիկանությունը ձերբակալել է հրկիզման մեջ կասկածվողին: Տղամարդը նախնական հարցաքննության ժամանակ խոստովանել է իր հանցանքը: