Նոր շաբաթը կդիմավորենք անձրևներով և մառախուղով

Հայհիդրոմետկենտրոնը ներկայացրել է Հայաստանի առաջիկա օրերի եղանակի կանխատեսումը:

Այսպես, նոյեմբերի  լույս 5-ի գիշերը և նոյեմբերի 8-ին երկրում սպասվում է առանց տեղումների եղանակ: Իսկ նոյեմբերի 5-ի ցերեկը և նոյեմբերի 6-ին մարզերի մեծամասնությունում, նոյեմբերի 7-ին` Լոռու, Տավուշի, Սյունիքի մարզերում և Արցախում կանխատեսվում են տեղումներ, առանձին վայրերում` մառախուղ:

Քամին կլինի հյուսիս-արևելյան` 3-8 մետր վայրկյան արագությամբ:

Օդի ջերմաստիճանը նոյեմբերի 5-6-ին կնվազի 4-5 աստիճանով:

Երևանում կիրակի ցերեկն օդը կտաքանա մինչև 15-17 աստիճան տաքություն, երկուշաբթի ջերմաստիճանը կնվազի մինչև 12-14 աստիճան, երեքշաբթի և չորեքշաբթի` 10-12 աստիճան, հինգշաբթի սնդիկի սյունը կվերադանա 12-14 աստիճան տաքության: