Ռուսական օդուժը Պալմիրայում ոչնչացրել է 100 ահաբեկիչների
Ռուսաստանի ռազմաօդային ուժերը Պալմիրայի շրջանում մեկ օրում իրականացրել է 40 թռիչք: Այս մասին հայտնում է tvzvezda.ru-ն՝ հղում անելով ՌԴ պաշտպանության նախարարությանը: Նախարարությունում հաղորդել են, որ հարվածներ են հասցրել ահաբեկիչների 158 օբյեկտների, ոչնչացվել են ավելի քան 100 զինյալ, ինչպես նաև 4 տանկ, 3 հրետանի, զինամթերքի 4 պահեստ և ավտոմոբիլային տեխնիկայի 5 միավոր:
