Վտանգի տակ է դրում ԱԺ գործունեությունը. Արա Սաղաթելյան

ՀՀ Ազգային ժողովի աշխատակազմի ղեկավար–գլխավոր քարտուղար Արա Սաղաթելյանը ԱԺ-ում կայացած բյուջետային քննարկումների համատեղ նիստի ժամանակ նշեց, որ ԱԺ լիազորությունների ապահովում ծրագիրը միտված ԱԺ ներկայացուցչական, վերահսկողական, օրենսդրական գործառույթների պատշաճ ապահովմանը: Ինչպեաս տեղեկացրեց` ծրագրում ընդգրկված է չորս միջոցառում, իսկ դրա համար նախատեսված է 5 միլիարդ 254 միլիոն դրամ գալիք տարվա բյուջեով, ինչը 399 մլն դրամով ավել է նախորդ տարվա բյուջեից: Այդ չորս միջոցառումները ԱԺ գործունեության ապահովումը, օրենսդրական, վերլուծական, ներկայացուցչական ծառայությունների ձեռքբերումն են, դա 4 միլիարդ 968 միլիոն է, միջազգային խորհրդարանական կազմակերպություններում մասնակցությունը 180 մլն է, ԱԺ աշխատակազմի վերապատրաստումը 1 միլիոն 211000 է, ԱԺ տեխնիկական հագեցածության բարելավումը 104 մլն միլիոն է: Ինչ վերաբերվում է աշխատանքի վարձատրությանը, այն 3 միլիարդ 632 միլիոն է: Նշեց, որ շատ կարեւոր խնդիր ունեն, որոնք վտանգի տակ են դնում ԱԺ գործունեությունը, որոնք կապված են շինությունների կապիտալ եւ ընթացիկ վերանորոգման հետ: